من
هاد المنبر بغيت نقول للشيخ (سعد المجرد) مبروك وصول أغنيتك (إينتا
معلم).. إلى 100 مليون مشاهدة... هادي غي البركة ديال ديك العمرة لي درتيها
مع حاتم عمور و نشرتي لينا ألف تصويرة فالفايسبوك في صحن الكعبة... إييييه
يا العفاريت دعيتو تما دعوات و الله استاجبها ليكوم.. يالله جيتي من
العمرة نشرتي الديسك و دار بووووم خاصة مع دوك التيتيز لي كاشيطحو فالفيديو
كليب شطحات شرعية بما يرضي الله.. المهم عقبال الحج
العام الجاي إن شاء الله... و من بعد الحج شي ديكس جديد مع كليب مريكل فيه
التيتيز تاني و عقبال شي مليار مشاهد.. إن شاء الله يكونوا أعمالك الفنية
في ميزان حسناتك و حسنات التيتيز لي كايسخفو مني كايشوفوك و كايغوتو وااااع
ملي كاتكون فوق المنصة.. و إن شاء الله يكون رسول الله فرحان بهاد
الإنجازات ديالك غدا يوم القيامة أمام الحوض... الله يزيدك يا أخي في
الله... الله يعميها للي حسدك ... في إطار #الإسلام_فالقلب و داكشي... لعفوووو
